吴岱融于TVB剧《隐门》饰演大奸角，其中一场戏，他要跟赵乐贤肉搏，由于用力过猛扑爆水樽盖，并意外打到对手嗌痛，吴岱融受访时表示要郑重向赵乐贤道歉，皆因已不是一次令对方受苦：“我好多位唔小心打到佢，嗰个樽（打落去）佢真系痛嘅。仲有场咬耳仔，因为我咬嗰吓太近，其实可以唔使讲嘢，但我太投入冇为意系咁讲，搞到佢聋咁滞。呢位演员我真系对佢唔住，我要郑重向佢讲对唔住。”
之前凭剧集《隐形战队》疯癫“铿少”一角赢尽好评的阮浩棕，今次画风一转饰演暖男贴心弟弟，同样获赞，浩棕受访时，透露是首度在剧集担任如此重戏份角色，故压力很大：“饰演呢个角色对我系好大挑战，庆幸角色性格同自己比较似，理解上会易啲。”他又谓感激饰演家姐的黄智雯（Mandy）帮忙带入戏：“开拍前智雯特登约我对咗两日戏，的确帮到首次合作嘅我哋建立默契同信任。”阮浩棕又谓Mandy戏内戏外均十分照顾他：“到依家我私底下都叫佢做家姐架！”
谈到张逸风造型获赞，阮浩棕感激监制及幕后团队的用心设计：“佢哋想我个刘海厚啲，所以每次造型都要花比较长时间夹发片。”谈到与吴岱融演父子，阮浩棕笑言要打醒十二分精神：“因为要准备好同岱融哥对戏，好好玩又好刺激，我都因为咁成长咗好多。虽然镜头下嘅岱融哥气场好恐怖，但私底下佢系一个好nice同好好玩嘅前辈嚟。”
