陈滢与周嘉洛绯闻甚嚣尘上，连身边朋友都大为好奇，惟陈滢却斩钉截铁表示冇可能，并直指对方讨厌；嘉洛却有所保留，坦言只是暂时冇Feel，显然是为自己留一线！
陈滢与周嘉洛在无綫剧集《痞子殿下》有感情线，早于拍摄期间已传绯闻，及后女方返加国探亲，嘉洛不惜拉埋同剧拍档王灏儿及朱敏瀚送机；陈滢在加国Po靓相，男方亦留言赞靓，更待陈滢返港完成隔离“出关”即相约睇日落，显然感情非浅。
2人日前接受专访，陈滢不讳言当初因不认识嘉洛，而且未试过与年纪较小的异性演情侣，故非常抗拒，没料到首次围读见面后，就被对方的阳光气息吸引到，更没想过愈拍愈有火花：“嘉洛系我咁多男对手入面合作得最开心，剧入面我哋有亲密戏，唔系浪漫，但好多身体接触，有场系两个面对面贴住咁滞！”
陈滢先后与不少男星传过绯闻，她自言全因单身太久所致，对于嘉洛成为其最新绯闻对象，问到可有想过发展？她即自爆：“身边好多人问，连班姊妹都会问！话嘉洛几好呀，再唔系朱仔（朱敏瀚），当日佢分手有2个朋友同我讲：‘机会嚟啦！’（你同嘉洛点都唔过电？）真系过唔到，冇就系冇。依家对爱情心态系随缘，有3只狗狗，将爱分晒畀佢哋。（唔需要爱情？）都有咁谂，点算呢？（唔想再惹绯闻所以唔识异性？）可能会，愈嚟愈惊。依家开始觉得讨厌同烦，除非系真命天子。”问到是否一刻都没有过电？她斩钉截铁表示：“冇！太朋友，同埋佢有一下几讨厌，我系好急嘅人，但佢就超慢啰！”嘉洛则语带保留：“呢啲嘢好死，望住佢靓一定有好感，但呢刻冇Feel。话唔定见佢咁定性，20年后我会锺意定性嘅女人呢！”
嘉洛透露19岁时与澳洲同学发展异地恋，但仅2、3个月已玩完，而入行后拍过2次拖，但未能与事业取得平衡，最终分手收场。正为事业冲刺的他，对感情事随缘，只想遇到一个愿意包容又有感觉的对象。
