艺人朱晨丽（朱朱）在好姊妹陈炜（炜哥）婚宴上成功抢到花球，朱朱回覆说：“梗系开心啦！好Lucky好感恩。”她笑指在婚礼上，新娘子陈炜已经攞咪讲定叫她认真去接花球，她说：“现场又冇几个系未结婚，我系其中一个，冇乜对手，大家都畀咗好多机会我去接，咁接到花球都开心嘅。”她坦言参加过不少婚礼，今次也是人生第一次接到花球：“寻晚全部都系熟朋友，玩得好开心，接到花球都系一个好好嘅祝福，希望未来日子有个好嘅缘分，希望好似炜哥咁幸福，有个完美老公，佢两个真系好Sweet好羡慕。”
朱朱经常与炜哥及其夫婿食饭，她说：“虽然嗰时佢哋未结婚，但已经系模范夫妇，见炜哥好Sweet好冧，佢对老公非常好，对朋友又好细心，作为一个闺蜜，同佢哋食饭中都学习到好多，希望将来自己都可以好似佢哋咁恩爱。”婚礼上炜哥可有给她介绍笋盘？她说：“冇，冇介绍啲咩笋盘，现场全部都系老友同公司同事嚟，冇人介绍，唔紧要啦，我相信缘分嚟嘅时候自然会到嘅。”
