艺人沈震轩（Sammy）与女友陈欣妍（Shirley）投资的健身中心（7日）举行开幕，讲到投资契机，Sammy称一直希望在演艺事业之外经营生意，而2人都热爱运动，故希望做一门生意可让人联想起他们俩，问到投资金额，他坦言连他们在内合共5位股东，总投资近千万，又指除了健身中心，还有连串计划：“呢个系一个全方位嘅健康品牌，健身中心只系第一步，我哋仲想发展做餐厅、美容产品，当然最想将分店开到全世界，最想系开到自己家乡加拿大。（系咪用晒啲老婆本投资？）所以我哋要一齐努力。”
他笑言很多人建议不要跟另一半一齐做生意，否则很容易反目收场，但他对两人十分有信心：“我系因为感情基础好，所以先够胆一齐做生意，否则死紧，我哋好有默契，闹交都只为啲少事闹交。”问到会否担心分薄幕前工作的时间？他指双方的老板都十分支持他们创业：“我上年加入新公司，同老板讲我想做呢个生意，佢即刻话好，叫我帮手操吓公司旗下艺人，另外好多朋友都话想嚟健身，黄智雯都有嚟，仲有好多女神都会嚟。”除了艺人外，Shirley透露有个大挑战，身边有位重量级的素人朋友，她会为对方操弗变靓：“佢已经系唔敢上磅，身形肉眼睇系肥过细细粒（陈嘉佳），佢好有恒心，晚晚嚟操，已经练咗3星期，我哋会每隔3个月睇吓个效果，佢畀我睇过以前嘅相，系好瘦好靓，佢好想变番以前咁，我都好想佢开心。”
