艺人陈家乐（17日）出席无綫新剧《异空感应》造型记者会，今次是他首担男一之作，他称相隔7年再跟监制王心慰合作，感到有点惊及紧张：“拍剧要厂景同外景咁轮更，当年拍《逆缘》我系二字头仲顶得顺，依家年纪大咗，冇以前咁Fit，今次再挑战体能，谂起都滴汗，不过相信可以应付到。”
他早前向女友连诗雅（Shiga）求婚成功，讲到婚礼安排，他坦言原计划明年中在港举行婚礼及摆酒，现时不断有变化，有可能延期：“我哋嘅工作已经排到出年3月，Shiga仲可能要去外地工作，一直都未夹到期倾婚礼细节，连摆酒用嘅枱布同花都要拣，但希望可以喺下年年中搞到。日子方面，佢搵人择咗吉日，过大礼就交畀屋企人负责，最重要系结婚当日。（预计摆几多围？）未知，因为最近防疫政策又再放宽。（想老板杨受成送咩礼物？）我唔敢问，希望佢⋯ 其实都唔需要，靠自己努力， 佢出席婚礼已经好荣幸。”至于兄弟团方面，他指前年结婚的岑珈其给了他很多意见，对方是做兄弟首选。
家乐日前生日，他表示生日前一天及正日也是跟Shiga过， 又指今年生日吃了很多蛋糕以及跟朋友吃了多场生日饭局，问他不担心发福？他称早前到了宁波工作两个月瘦了20磅，但非刻意减肥：“可能当地啲嘢食太油腻，我食唔惯，加上生肾石，我喺隔离期间都冇事，但一出关即刻要入医院， 后来屙番粒肾石出嚟。”
艺人陈晓华（Hera）在剧中饰演刑警，而且要穿越时空，演绎两个时空的人，她说：“我第一次睇剧本，睇到个脑爆炸睇唔明，睇第二次都系唔明，第三次我要买本笔记簿写低，终于睇得明。”她透露监制事前为她安排了十堂的武打训练，锻炼体能及打拳，自评表现还算合格：“我之前韧带撕裂，好耐冇做运动，所以初时上堂整亲条颈又拉伤大腿，令之后嘅训练有啲辛苦。”而为贴合角色，她花了一个月时间压低声线说话，令自己感觉更硬朗。
另外，剧中她跟陈家乐演情侣，问到2人有否亲热戏？她说：“暂时未睇到，不过剧本入面有啲好Sweet同好肉麻嘅对白，我睇到都觉得好尴尬。（你喺《美丽战场》嘅对白都好肉麻？）《美丽战场》系BB恋爱，今次系大人恋爱，两种都要试吓， 拍完两套剧就知道自己锺意咩男人。”
提到她在《美丽战场》角色是继“反骨琪”后，最想被观众掌掴，她自言拍摄时也觉得角色很蠢：“可能有啲年纪细嘅女仔真系会恋爱大过天。（你现实中系咪咁蠢？）梗系唔系啦，所以我觉得今次咁男仔头嘅角色好啱我。”
