艺人陈山聪、唐诗咏、刘佩玥（Moon）及刘颖镟等（29日）现身将军澳，出席无綫新剧《超能使者》宣传活动。玩游戏时山聪“艳福无边”，先获诗咏“坐大脾”，后与刘颖镟“胸压”。至于张国强与区瑞伟“咀到瞓地”，场面搞笑！
山聪与Moon事后受访，异口同声希望将《美丽战场》热度延续至《超》剧。对于《美》剧结局被指烂尾，Moon说：“叶念琛拍咗好多个版本，呢个结局系佢自己剪出嚟嘅，我哋事前唔知。昨晚成班演员围埋睇结局，反应同好多观众一样，问‘咁即系点’。（咁你觉得呢？）需要少少时间消化，因为昨晚睇番陈晓华死嗰幕，我都喊咗出嚟，然后今日又要宣传《超》剧嘞。”
山聪多谢大家大赞自己“濑尿演出”炉火纯青，而《超》剧内他再次接受演技挑战：“同‘一言Sir’会好唔同，今次我演一个内地武术指导，刀枪不入兼铜皮铁骨，由头打到落尾。最难忘其中一场戏我要好型咁避开晒啲子弹，演嘅时候有啲难度。” Moon即接口：“所场戏山聪好型，好有《狼人》Feel！”
山聪又自爆为了戏中的“乡下话对白”，自己经常去帮衬食米线：“坐喺度听啲‘姐姐’讲咩，返到屋企老婆都成日同我练，大家都喺度讲，容易投入啲。”而Moon则打趣：“我会好温柔咁对住戏中老公陈展鹏。我哋有场浪漫按摩戏，原来佢按摩都有一手，相信佢喺屋企都会帮佢老婆按。”
