陈蕊蕊今天到旺角，与两位好姊妹林文清（苏菲）与何丽娟（Kelly）拍摄她们拍出镜节目，并与网民分享潮流、美容与身心灵等资讯，蕊蕊坦言今次是首次以自己的节目进行带货出镜，心情难免紧张：「我哋乜嘢都会分享，除咗带货，亦都希望可以带多啲资讯畀大家。」
蕊蕊又提到有份演出的舞台剧《恋上十二星座》，因疫情而要第四度延期：「而家延到112月尾，已经延第4次，康文署嗰边话冇得再延，今次搞唔掂就冇，不过我有信心，因为已经有疫苗。本来个舞台剧系今年1112月做，不过咁样，排练多咗，故事会更好，场次都多咗，会做9场。」
今年初蕊蕊与圈外男友被揭发展新恋情，当时她为了护爱苗，只轻轻带过，今日再问蕊蕊会否叫男友包场？她笑说：「有朋友买咗好多飞，close啲慨朋友我叫佢唔好嚟，因为怕甩碌，喺现场我会紧张，叫咗佢唔好嚟。」
现年37岁的蕊蕊跟男友已拍拖两年，提到何时拉埋天窗？她说：「我哋都有讲过，大家都有共识想专注工作先，结唔结婚唔系好紧要。到呢个年纪，拍拖都系向（结婚）呢个方向。」她又认为现今社会生B责任太大：「香港环境唔系几好，自己经济未稳定，睇定啲先，而家冇话细个咁憧憬结婚，冇话好想结婚生仔。」至于问到男友经营的食肆会否受疫情影响？她说：「好彩疫情前放咗，而家佢做散job，做吓买卖货。」
